Í tilkynningu frá Brunavörnum Árnessýslu segir að kviknað hafi í bílskúr við Heilsustofnunina í Hveragerði.
„Nú stendur yfir slökkvistarf í bílskúr við NFLÍ, töluverður reykur er á staðnum og er fólk beðið um að loka gluggum í nágrenni og halda sig í fjarlægð til að trufla ekki störf björgunaraðila.“
Samkvæmt upplýsingum dfs.is var slökkvilið kallað út í Hveragerði og á Selfossi. Þá voru sjúkrabílar til taks ásamt lögreglu.
